إضافة صفحة في بيانات عملية الشراء ومجموعة مشاكل ضروري

صباح الخير
انا عندي مشروع وطلبت من صديق إنه يعمل لي ويب سايت لمشروعي وهو الحقيقة رفض ياخد أي مقابل لكن مع اصراري أخد مقابل بسيط جدا وبالتقسيط المريح لكن للاسف الرخيص غالي هو بنالي الهيكل من غير تشطيب وعرفني الحاجات بتتغير منين ومش عارفة اتلم عليه ومن ساعتها مضطرة اعمل كل حاجة في الويب سايت بنفسي من أول الديزاين اللي غيرته تماما لغاية ادخال المنتجات والبيانات وعندي مجموعة مشاكل متعلقة بالديزاين وعايزة أحلها
انا عرفت أغير الخلفية وتصميم الهوم بيج بتاع الموقع واحط صور في تصميم الموقع نفسه بخلاف طبعا المنتجات وأضيف كود مكان الصور اللي عايزة احطها بعد ما ارفعها عن طريق الكود اديتور في مكان محدد
كمان قدرت اغير بعض الكلام في التمبلت بتاع الموقع في عملية التشيك آوت في الشحن بس لسة عندي مشاكل قاتلة موقفة استكمال الموقع
1- طول التكست في الانفو بيتقطع وادخال جداول في أي جدول ديسكربشن بيطلع متلخبط
الصفحة دي مثال

http://limaregygifts.com/index.php?rout ... ation_id=6

الكلام مقطوع والجداول بتتلخبط ده غير إنها عقيمة اثناء الإدخال
الحل بتاع طول التكست لقيته في الفورم الانجليزي إن التكست فايل في الداتا بيز نختار لونج تكست بس أنا ملقيتش التكست فايل من الاساس
كمان في مشاكل في ربط الانكور دايما بيطلع على الصفحة الرئيسية عشان كدة هتلاقوه في الصفحة مش مربوط واضطريت احطه تكست مؤقتا

2- في التشيك آوت المفروض إنه جفت شوب يعني عايزة أضيف صفحة تانية للمستقبل وأضيف فيها 3 اماكن للرسايل المرفقة مع الهدية
الأول الجفت كارد
التاني رسالة مع منتج اسمه
personal whisper
التالتة رسالة مع منتج
message in a bottle
انا عرفت إزاي اعدلها في اللانجويج وهو بنسخ الكود بس اعدل فيه بكلامي انا لكن خايفة اوقع الويب سايت لإني مش عارفة اربطهم تاني فين في صفحات الشيبنج والتشيك آوت وستيب تو التانية بأكواد صحيحة

3 - عندي خدمة اسمها
only e mail address
ودي من خلالها لو اختارها العميل مش محتاج يحط في بيانات المستقبل غير الايميل بتاعه وكمان مش هيدفع شحن لكن هيدفع تمن الخدمة وده هيكون متحدد في الخدمة جوه فعايزة اضيف خيار في صفحة بيانات المستقبل كاختيار اول إنه يختار الخدمة دي ويحط الايميل بس
أو إنه ميختارهاش ويحط كل البيانات للمستقبل والصفحة دي هي اللي هيتربط بيها تكلفة الشحن

4- عايزة في الكاتوجري اللي على جنب أغير لون كتابة الكاتوجري اللي العميل عليه عشان يبقى عارف هو فين
وعايزة الكاتوجريز الفرعية تطلع بسهم من الكاتوجري البيرنت لإن التصميم اللي عمله المصمم بيخلي الشخص ميعرفش الكاتوجريز الفرعية إلا إذا دخل على الرئيسي فتظهر قائمة تحته

انا عارفة الطلبات كتير بس اتمنى ألاقي مساعدة منكم لإن الوقت طول جدا وبقالي 6 شهور في الويب سايت ده شهرين ونص مع المصمم عشان يحط الأساسيات و3 شهور أنا عدلت عليه في كل الديزاين بنفسي وباضيف المنتجات وأكتر من نص شهر ضاع أثناء الثورة لما الحكومة السابقة قطعت النت
كمان اتمنى رأيكم في التصميم ولو حد عنده إضافة قبل ما أشهره في التأثير على رغبة شراء المستهلك من حيث الألوان والصور الدعائية في الهوم بيج يا ريت يفيدني بيها أنا حاولت أحط صور موديلز قريبة الشبه من العرب بس اضطريت احط صور موديلز أجانب أحيانا

مرسيه جدا جدا وآسفة على التطويل

انا لسة شايفة حالا شروط المنتدى وشايفة إنه مينفعش اكتر من موضوع
مش عارفة كدة أبقى كتبت اكتر من موضوع ومحتاجة أقسمهم ولا ده مقبول